Këngëtari turk, Onur Sener u vra pasi refuzoi të këndonte një këngë që iu kërkua nga disa persona.

Këngëtari i cili po këndonte në një lokal, në kryeqytetin e Turqisë, Ankara, është vrarë nga tre persona, me të cilët ka pasur një konflikt verbal. Sener u godit me shishe qelqi, ku ka mbetur i lënduar rëndë nga copat e xhamit në fyt. Përkundër ndërhyrjeve mjekësore ai ka ndërruar jetë në spital, shkruan Hurriyetdailynews transmeton arbresh.info

Deri te konflikti erdhi atëherë kur viktima refuzoi të këndonte këngën që iu kërkua nga grupi me arsyetimin se nuk e dinte. Në përleshje u përfshinë edhe stafi i lokalit dhe klientët.

Ekipet e Departamentit të Policisë së Ankarasë kanë arrestuar tre të dyshuar të lidhur me incidentin.

Tutje, ministri i Kulturës dhe Turizmit Mehmet Nuri Ersoy ka deklaruar se ministria e tij ka ndjekur nga afër procesin e prokurorisë dhe gjykatës në rastin e vrasjes së një muzikanti që u vra në kryeqytetin Ankara dhe shpreson që sulmuesit të marrin një dënim të merituar.

“Ndërsa ne duam që arti të ekzistojë me vetitë e tij shëruese, për fat të keq, disa njerëz mund të vriten. Ngushëllimi ynë i vetëm është se përgjegjësit janë kapur”, tha ministri.

Duke nënvizuar se ministria po ndjek zhvillimet në këtë rast, Ersoy vuri në dukje se tashmë procesi ligjor ka ecur me shpejtësi.

“Dëshira jonë më e madhe është që njerëzit e shpallur fajtorë të marrin dënimin që meritojnë,” tha ai.

“Shpresoj që me një dënim meritor do të parandalohen raste të ngjashme”, shtoi Ersoy.

Ndërkohë, tre të dyshuarit, Ali Gündüz, İlker Karakaş dhe Semih Soyalp, u ndaluan nga Departamenti i Policisë së Ankarasë.

Në dëshmitë e para të Gündüz dhe Soyalp, ata fajësuan Karakaş për vrasjen e muzikantit.

“İlker donte që muzikanti ta këndonte këngën live pa karaoke. Kur Şener e refuzoi këtë, shpërtheu një diskutim mes të dyve. Ndërsa tentuam të prishnim sherrin, u plagosëm nga xhami i thyer. İlker e bëri këtë. Ne u përpoqëm ta parandalonim atë”, thanë ata.

Duke refuzuar pretendimet e dy të dyshuarve të tjerë, Karakaş deklaroi se Onur Şener dhe tre gra ishin në skenë para se të fillonte debati për këngën dhe se muzikanti e shau atë gjatë përleshjes.

“Ndërsa mendova se Onur erdhi i zemëruar për të vazhduar debatin dhe se do të sulmonte gratë, i hodha një gotë birre,” shpjegoi ai.

“Nuk e di nëse gota e goditi apo jo. Edhe Şener më goditi me grusht. Të dy ramë. Onur i ra në shpinë, dhe unë rashë mbi të. Në dysheme, e godita me grusht me dorën time të djathtë. Ndërkohë nuk kisha asgjë në dorë”, shtoi Karakaş.

Pas dëshmive të tyre, tre të dyshuarit janë dërguar në burg.

Ndërsa 36-vjeçari Gündüz nuk ka precedentë penalë, 36-vjeçari Soyalp është akuzuar për lëndim nga pakujdesia.

35-vjeçari Karakaş ka precedentë penalë për dy krime të veçanta, fyerje dhe rezistencë për të mos kryer detyrën.

Şener, duke punuar në një vend argëtimi, u sulmua nga tre persona me të cilët u grind për shkak të mosnjohjes së këngës që ata kërkuan në lagjet Çankaya të Ankarasë vonë më 2 tetor. Pavarësisht të gjitha ndërhyrjeve mjekësore, ai u nënshtrua plagëve të marra.

Ngjarja ka ngjallur reagime të mëdha në publik, ndërsa mesazhe ngushëllimi kanë ardhur nga llogaritë e rrjeteve sociale. /arbresh.info/